ئامۆژگاری زه‌رده‌شت  بۆ مرۆڤ

به‌ گوێکانت ڕاستی ببیسه‌و به‌ ئاوه‌ز لێیبگه‌و به‌ دڵ ئه‌وینیبه‌. ڕاپه‌ڕه‌ ئه‌ی خه‌واڵووی ته‌وه‌زه‌لی بێئاگا، له‌شوێنه‌کانی هۆشیاری‌و خه‌وو خواردن‌و خواردنه‌وه‌تدا،‌ وته‌ی ئاهورایی په‌خشکه‌.

ڕاپه‌ڕه‌ وته‌ی ئاهورایی بڵێ؛ به‌سیه‌تی لاڵی‌و نه‌درکانی ڕاستی.

په‌ندی پێشینیان

له‌به‌ر ڕاستگۆیی هاوڕێم بۆ نه‌ماوه‌

زمان ئێسک نییه‌، به‌ڵام ئێسک شکێنه‌

به‌داگیرسانی مۆمێکیتر، هیچ زیان ناکه‌یت

ئه‌وه‌ی بزانێت بۆ هیچ نازانێت، ده‌بێت به ‌زانا

دووی بزربوو مه‌که‌وه‌، تا ئه‌وه‌ی پێتماوه‌ نه‌یدۆڕێنیت

له‌ مامۆستای پیشه‌به‌رزه‌وه‌یه‌، په‌یدابوونی گشت پیشه‌کان

مه‌رجنییه‌ گشت شتێک بزانیت بۆئه‌وه‌ی بیڵێیت، به‌ڵام مه‌رجه‌ ئه‌وانه‌بڵێیت که‌ده‌یزانیت

وته‌ی نه‌سته‌قی زاناو دانایان ( له‌عه‌ره‌بییه‌وه‌ )

هه‌ڵه‌ی تۆ نییه‌ که‌ هه‌ژار له‌دایکبوویت، به‌ڵام هه‌ڵه‌ی تۆیه‌ ئه‌گه‌ر به‌هه‌ژاری بمریت!

بیل گێتس

که له‌‌ڕۆژانتدا هیچ کێشه‌ نه‌بێت، سوور بزانه‌ تۆ له‌سه‌ر ڕه‌وتی ڕاست نیت!

سوامی ڤیڤیکاناندا

هه‌رگیز له‌ژیاندا خۆت به‌که‌سیتر براورد مه‌که‌، ئه‌گه‌ر بیکه‌یت بزانه‌ خۆتی پێسووکده‌که‌یت!

ئه‌لێن سترایک

ئه‌گه‌ر سه‌رکه‌وتنت به‌ده‌ستهێنا، پێویست به‌پاساو ناکات، به‌ڵام کاتی دۆڕان، چاکوایه‌ خۆت بزرکه‌یت تا پاساوی بۆ نه‌هێنیته‌وه‌!

ئه‌دۆلڤ هیتله‌ر

هه‌رکات بگه‌ینه‌ ڕاستیی ته‌واو، ئه‌وا ئێمه‌ ‌پشکێنه‌ر نین،و ئاوێته‌بووین به‌ماکی خۆدا، چونکه‌ هه‌ر خودایه‌ گه‌وهه‌ری ڕاستی.

ئه‌گه‌ر ئێمه‌ پشکێنه‌ربین، ئه‌وا له‌سه‌رڕێی دیتنه‌وه‌ی ڕاستین، به‌ڵام پێینه‌گه‌یشتووین!

مه‌هاتما گاندي

ژیان زۆر کورتتره‌ له‌وه‌ی دانیشین ئه‌و هه‌ڵانه‌ بژمێرین که‌دژمان ده‌کرێت‌و تۆوی دوژمنایه‌تی له‌ناو کۆمه‌ڵدا بچێنین.

براتراند راسل

له‌ژیانتا چوارشت مه‌شکێنه‌‌... باوه‌ڕ، به‌ڵێن، په‌یوه‌ندی‌و دڵره‌نجان، چونکه‌ ئه‌گه‌رچی ده‌نگیان نابیسترێت، ئازاریان زۆره‌!

چارڵز 

ئه‌گه‌ر بته‌وێ گشتکه‌سێک هه‌ڵسه‌نگێنیت، ئه‌وا کاتی خوشویستنیانت بۆ نامێنێت!

دایکه‌: تێرێزا

من ناڵێم هه‌زارانجار سه‌رکه‌وتوو نه‌بووم، به‌ڵکو تێگه‌یشتم که‌ هه‌زار هۆ هه‌یه‌ بۆ نیسکۆ!

تۆماس ئه‌دیسۆن

هه‌میشه‌ ڕۆژهه‌ڵات‌و ڕۆژئاوا له‌دووییه‌ک ده‌گه‌ڕێن، هه‌ر ده‌بێ به‌یه‌ک بگه‌ن!

تاگوور

من ده‌خۆم بۆئه‌وه‌ی بژیم... ناژیم بۆئه‌وه‌ی بخۆم.

مه‌هاتما گاندی

که‌وتنی مرۆڤ نشوستی نییه‌، به‌ڵکو نشوستی ئه‌وه‌یه‌ به‌که‌وتوویی بمێنێته‌وه‌.

حه‌كيم

له‌مژیانه‌دا کینه به‌کینه‌ نابڕێته‌وه‌ چونکه‌، هه‌ر خۆشه‌ویستی کینه‌ لاده‌بات!

بودا

کاری مه‌زن، به‌رهه‌می هێز نییه‌، به‌ڵکو ئه‌نجامی تێکۆشانه‌!

ساموئێل جۆنسون

ئێمه‌ ئه‌وانه‌ به‌هه‌ڵه‌داده‌به‌ین که‌ده‌یانه‌وێت له‌قه‌باره‌ی ڕاستی خۆماندا بمانبینن،و پێمانخۆشه‌ به‌ هێزدارو قه‌شه‌نگترین که‌سمان بزانن. له‌خۆمانیان نامۆده‌که‌ین: واته‌ هه‌رگیز سستی نانوێنین له‌شانازی به‌وباره‌ی‌ جیاوزمان ده‌رده‌خات!

نێتچه

زۆرن ئه‌وانه‌ی ده‌کۆشێت بۆ گۆڕینی ژیان، به‌ڵام که‌س بیر له‌گۆڕینی خۆ ناکاته‌وه‌!

لیۆ تۆلستۆی

ئه‌گه‌ر گشتکه‌ست له‌لا ترسناکبوو، ئه‌وا که‌س نابینیت‌ زۆر ترسناکبێت!

ئه‌براهام لینکۆڵن

ئه‌گه‌ر که‌سێک وابزانێت هه‌رگیز هه‌ڵه‌ ناکات، واته‌ هیچ ئه‌زموونی نوێی له‌ژیاندا نه‌بووه‌!

ئه‌لبێرت ئێنستاین

میهره‌بانیت له‌وه‌دایه‌ که‌ ده‌به‌خشیت، بڵام به‌ئاگابه‌ له‌وه‌ی کاتی به‌خشین چاونه‌بڕیته‌ ئه‌وکه‌سه‌ی پێی ده‌به‌خشیت، تا ئابڕووی ڕووتی نه‌بینیت.

جوبران خه‌لیل جوبران

ڕێگه‌ی سه‌رکه‌وتن بریتییه‌ له‌سێ ده‌سته‌واژه‌:  1ـ له‌وانیتر زاناتربه‌!

2ـ له‌وانیتر کاراتربه‌!

3ـ له‌وان که‌متر چاوه‌ڕوانی پاداشت به‌!

ویلیه‌م شێکسپیر

ڕه‌گه‌زپه‌ره‌ستی دوژمنایه‌تییه‌کی ڕه‌هایه‌، ئامانجی ته‌نها له‌ش جیاوازی نییه‌، به‌ڵکو هۆش‌و ڕه‌وانیش ده‌گرێته‌وه‌!

مارتین لوسه‌ر كينگ

سه‌رم له‌وکه‌سانه‌ سووڕده‌مێنێت که‌ڕۆژی چه‌ندجار ده‌موچاو ده‌شۆن، به‌ڵام ساڵی یه‌کجاریش دڵیان ناشۆن!

میخائیل نوعه‌یمه‌

سه‌رکه‌وتن هه‌میشه‌ پێشکه‌وتنت ناگه‌ێنێت، به‌ڵکو ئه‌وه‌ده‌گه‌ێنێت که‌ له‌پێشان چاکتری!

بونیێ بلێر

هۆش، تۆڕی به‌رده‌ست‌و گه‌وهه‌ری ڕابوردوو کاکڵه‌ی هه‌نووکه‌یه‌!

جان پۆڵ سارته‌ر 

به‌سنییه‌ خۆت له‌ڕوناکیدابیت‌ تا شت ببینیت، به‌ڵکو پێویسته‌ ئه‌وه‌ له‌ڕوناکیدابێت که‌لێیده‌ڕوانیت!

عه‌ققاد

ئاینه‌کان تیاماندا ڕه‌گه‌زپه‌رستییان چاند،و نه‌ریتی پڕناکۆییان له‌نێوماندا چه‌سپان!

موعه‌ڕڕي

ئه‌هریمه‌نیبوونی به‌رانبه‌ره‌که‌ت، پایه‌برزییه‌ بۆ تۆ!

داریوش شايگان

بێ ئاشتیی نێو ئاینه‌کان، هه‌رگیز گه‌لان ئاسووده‌ نابن. له‌نێو ئاینه‌کانێشدا بێ ڕاوێژ ئاشتی نابێت!

هانس كینگ

ئاینه‌ مێژوییه‌کان ده‌کۆشن خودی خۆیان بکه‌نه‌ ئامانج،و تاڕاده‌یه‌ک شوێنی خودا بگرنه‌وه‌، جونکه‌ له‌ڕاستیدا، بێ له‌ئاین هیچیتر وێنه‌ی خودای پێلێڵناکرێت... ده‌بێ گشتکه‌س ئاواتی خۆ له‌بیرکه‌ن‌و له‌م سه‌رزه‌مینه‌ بۆخودا ببنه‌ پێگه‌، تا ئه‌وانه‌ له‌ده‌روونێدا بژین که‌ هه‌ر چه‌شنی خودا ده‌بزوێن، واته‌ بۆیان ببنه‌ بابه‌ته‌ خانه‌ی ئاواڵه‌ی ده‌ڕوانێته‌ سه‌ر کۆڵان‌!

مارتین بوبه‌ر